Трите погреби на Мелкијадес

Содржина

Мелкијадес Естрада (Хулио Цезар Седило) е пронајден застрелан и закопан во плиток гроб во пустината. Бидејќи е илегален мексикански имигрант, полицијата го закопува во гробница за сиромашни, не трудејќи се да го реши случајот. Но, Мелкијадес имал и пријател - Пит Перкинс (Томи Ли Џонс), кој не се откажува толку лесно од неговиот случај. Наскоро дознава дека Мелкијадес бил убиен од Мајк Нортон (Бери Пепер), полицаец кој спречува илегални имигранти да ја преминуваат границата. Пит го киднапира, го принудува да го откопа телото на Мелкијадес и го носи на патување до родното место на Мелкијадес каде ќе му организира достоинствен погреб.