Тежок пат

Содржина

Една епска пост-апокалиптична приказна за борбата за живот на татко и син, додека патуваат низ опустошената Америка, ништена од мистериозна катаклизма.
Прикажува иднина во која луѓето се присилени на најлошото и најдоброто во себе – иднина во која татко и син опстануваат од љубов. Еден татко (Виго мортенсен) и неговиот син (Коди Смит-Мекфи) се борат за опстанок после еден неодреден апокалиптичен настан, патувајќи кон потоплиот брег со надеж дека таму ќе најдат храна, засолниште и друштвото на можни преживеани. Попатно, скоро без засолниште и залихи, се среќаваат со многу потешкотии и ужаси, под постојан страв од залутани канибали и други очајни банди. И покрај тоа што немаат ништо друго освен самите себе, облеката што ја носат, една зарѓана количка за пазарување и еден пиштол за одбрана, тие успеваат да ја одржат својата хуманост, пристојност и човечност.