Шрек 2

Содржина

Шрек и Фиона се враќаат од нивниот меден месец и наоѓаат покана да ги посетат родителите на Фиона, кралот и кралицата на Далечното кралство. Заедно со магарето, младоженците тргнуваат на пат. Сите жители на Далечното кралство го поздравуваат враќањето на нивната принцеза, а нејзините родители среќно го очекуваат доаѓањето на нивната ќерка и на нејзиниот нов принц. Но никој не ги подготвил за изгледот на нивниот нов зет, не спомнувајќи го фактот колку се променило нивното мало девојче. Ни Шрек ни Фиона не знаат колку нивниот брак ги променил сите планови на татко ѝ за нивната иднина, а и за неговата. Сега кралот мора да побара помош од моќната Кума самовила, згодниот принц Симпатичен и познатиот убиец на огри ‘Мачорот во чизми’, за да си ја оствари својата верзија од “среќни засекогаш“.