Содржина
Шармантниот бандит Флин се крие во една мистериозна кула и станува заложник на Рапунзел, прекрасна и агресивна тинејџерка со руса коса долга 21 метар. Двајцата тргнуваат во урнебесна авантура преполна со возбуда и хумор.
„Волт Дизни Пикчрс“ ја претставува „Заплеткана“, една од најсмешните приказни некогаш раскажани. Кога најбараниот и најшармантниот бандит во кралството, Флин Рајдер (гласот на Закари Леви), во обид да се скрие во една мистериозна кула, станува заложник на Рапунзел (гласот на Менди Мур), прекрасна и агресивна тинејџерка која е заробена во кулата и има волшебна коса долга 21 метар. Љубопитната заробувачка на Флин која сака да избега од кулата каде е затворена со години, се спогодува со згодниот крадец и двајцата тргнуваат во авантура преполна со акција во која им се придружуваат еден коњ, еден заштитнички настроен камелеон и банда кафеански силеџии. „Заплеткана“ е приказна исполнета со авантура, душа, хумор и коса, многу коса.
Слики
