Штрумфови 2

Содржина

Штрумфовите се здружуваат со своите човечки пријатели за да ја спасат Штрумфета, која е киднапирана од Гаргамел бидејќи знае магија што може да ги претвори најновите суштества на волшебникот, наречени Лошковци, во вистински Штрумфови.
Злобниот волшебник Гаргамел создава неколку злобни суштества кои личат на Штрумфовите и ги нарекува Лошковци, па се надева дека ќе му овозможат да ја црпи семоќната, волшебна штрумф-течност. Но, кога открива дека само вистински Штрумф може да му го даде тоа што го сака, а само тајната магија што ја знае Штрумфета може да ги претвори Лошковците во вистински Штрумфови, Гаргамел ја киднапира Штрумфета и ја носи во Париз, каде милиони луѓе му се восхитуваат како на најголем светски волшебник. Велештрумф, Залангур, Лутко и Суетниот Штрумф ќе мора да се вратат во нашиот свет, повторно да се соединат со своите човечки пријатели Патрик и Грејс Винслоу и да ја спасат!