Содржина
Животот на Гарфилд, омилениот мачор на сите, не може да биде поубав. Пикнат во удобна фотелја пред телевизорот, јадејќи си го омиленото јадење, лазањи, и навредувајќи го својот измалтретиран сопственик Џон, се чини дека Гарфилд е газда на целата вселена.
Кога Џон го носи Гарфилд на посета кај убавата ветеринарка Лиз Вилсон, таа на Џон му дава едно размрдано суштество со размавтана опашка и кое претставува сѐ што мрази Гарфилд. Гарфилд, запознај се со Оди, симпатичното, глупаво... кутре. Итриот мачор за првпат во девет години е оставен без зборови. Изгубениот Оди си ја брка опашката додека не му се сврти, се удира во ѕидови и лае без причина, а Џон е пресреќен поради тоа и со радост го прима Оди во својот дом.
Оди му го превртува совршениот свет на Гарфилд наопаку. Решението на Гарфилд е да го избрка кучето. Кога веселото куче исчезнува во злобните канџи на локалната славна личност Хепи Чепмен, гледачите можеби ќе си помислат дека Гарфилд ќе биде презадоволен, но тој чувствува одговорност за туѓата судбина. Со нетипична енергија, храброст и пожртвуваност, Гарфилд успева да излезе од својот мрзелив живот и да презема акција. Тој има невозможна мисија, а тоа е да го спаси Оди.