Светска војна З

Содржина

Бред Пит го игра поранешниот иследник на ОН, Џери Лејн, кој патува низ светот, во трка со времето за да спречи пандемија на зомбија, која ги урива војските и владите и се заканува да го уништи и самото човештво.
Еден обичен ден мирот на Џери Лејн (Бред Пит) и неговото семејство е нарушен во еден градски сообраќаен метеж. Поранешниот иследник на ОН, Лејн, чувствува дека тоа не е обичен сообраќаен метеж. Додека полициските хеликоптери летаат на небото, а во близина брзо поминуваат полицајци на мотори, во градот почнува да владее хаос. Нешто предизвикува толпи луѓе меѓусебно дивјачки да се напаѓаат. Тоа е смртоносен вирус, кој се шири преку само едно каснување, претворајќи ги здравите луѓе во нешто непрепознатливо, нешто што не размислува и има насилен карактер. Сосед се врти против сосед. Учтивиот непознат човек одеднаш станува опасен непријател. Потеклото на вирусот не е познато, а бројот на инфицираните расте со експоненцијална брзина. Набргу тоа станува глобална пандемија. Додека инфицираните ги совладуваат светските војски и со голема брзина ги уриваат владите, Лејн е присилен да се врати на својот опасен поранешен живот за да ја обезбеди сигурноста на своето смејство и да поттикне светска потрага по изворот на епидемијата и за начинот да се спречи нејзиното безмилосно ширење.