Содржина
Овој филм на „Дизни“ е за синот тинејџер на Шиљо, Макс, кој мора да оди на одмор баш кога сакал да ја покани девојката од своите соништа на состанок. Додека Макс и Шиљо одат на кампување во шумата, Макс планира да ги однесе на концерт.
Овој анимиран филм на „Дизни“ се фокусира на синот тинејџер на Шиљо, Макс, кој е преплашен дека кога ќе порасне ќе биде како својот несмасен татко Шиљо. Баш кога срамежливиот Макс собрал доволно храброст да ја покани на состанок Роксен, девојката од неговите соништа, Шиљо стапува на сцена и објавува дека требало малку да се дружат, па го одвлечкува Макс на одмор. Пред да заминат, Макс ѝ кажува на Роксен дека тој ќе биде во публиката на следниот концерт на „Пауерлајн“, кој треба да се дава на телевизија. Додека Шиљо се наоѓа на лов и риболов во шумата, Макс прави план да заминат во Лос Анџелес каде што се надева дека ќе можат да се протнат на концертот за да го исполни ветувањето дадено на Роксен.