Овци и волци

Содржина

Од продуцентите на филмот „Снежната кралица“ ни доаѓа прекрасната приказна за пријателството и љубовта на еден волк со овците.
Во далечна, магична земја, во живописно селце опкружено со зелени ливади и планини, живее стадо безгрижни овци. Нивниот мирен и спокоен живот го вознемирува глутница волци. Во согласност со традицијата, стариот водач Магра најавува дека неговиот наследник треба да се докаже така што ќе го победи својот соперник. Кога ќе истапи силниот Рагир, единствен кој е доволно храбар да му се спротивстави е Греј, омилениот волк во глутницата. За да стане водач и да ја освои љубовта на Бјанка, Греј заминува во шумата. Таму видовитата Меми му дава „трансмутациска напивка“, а Греј ја пие напивката и се враќа во глутницата волци, но сфаќа дека се претворил во... овен!