Содржина
Врз основа на вистинита приказна од 1972 година, оваа драма прикажува еден уникатен грабеж на банка во едно жешко летно попладне во Њујорк. Кратко време по затворањето, губитникот Сони и неговиот не многу паметен пријател Сал, влегуваат во една бруклинска банка за да извршат брз грабеж, но сѐ тргнува во лоша насока, почнувајќи од фактот дека во банката речиси и нема пари.
Ситуацијата набргу ескалира кога Сони и Сал земаат заложници, па банката ја опколува цела војска од полицајци, а за да ги гледа настаните се собира и толпа луѓе, кои се солидаризираат со Сони. За да биде целосен циркусот пристигнуваат и медиумите, додека полицискиот капетан Морети се обидува да преговара со Сони и се труди опасниот спектакл да го држи под контрола. Кога Лион, љубовникот на Сони се обидува да го наговори Сони да излезе од банката, го дознаваме мотивот за грабежот, а тоа е да се финансира операцијата за промена на полот на Лион. Сони бара авион за бегство, но крајот се наближува кога доаѓа ладнокрвниот агент на ФБИ, Шелдон, и ги презема преговорите.