Пиксели

СОДРЖИНА

Кога вонземјаните ги толкуваат класичните видеоигри како објавување војна, тие ја напаѓаат Земјата користејќи ги игрите како модели за нападите. Како одговор, претседателот на САД ги ангажира своите поранешни другари од игрите на флипери.
Како деца во 1980-тите, Сем Бренер (Адам Сендлер), Вил Купер (Кевин Џејмс), Ладлоу Лемонсоф (Џош Гад) и Еди Плант со прекар Плукач на Оган (Питер Динклиџ) го спасиле светот илјадници пати, за 25 центи по игра на флипери. Сега ќе мораат тоа да го сторат во вистинскиот живот. Во „Пиксели“, кога интергалактичките вонземјани откриваат видеоматеријали од класични видеоигри и погрешно ги толкуваат како објавување војна, тие ја напаѓаат Земјата, користејќи ги видеоигрите како модели за нападите. А сега, американскиот претседател Купер, мора да ги повика своите стари пријатели од училиште со кои играл на флипери за да го спасат светот од уништување од Пекмен, Донки Конг, Галага, Црвот и од Вселенските напаѓачи. Ним им се придружува поручникот Виолета ван Патен (Мишел Монан), која е специјалист што може да ги обезбеди флиперашите со уникатни оружја за борба против вонземјаните.