Содржина
На Човекот од Месечината му е здодевно бидејќи е сам. Тој одлучува да ја посети Земјата. Еден ден се закачува на опашката на една комета и слетува на Земјата. Претседателот на светот е убеден дека се работи за освојувач и сака да го фати.
Кога Човекот од Месечината само би знаел колку го сакаат децата! Но, тој воопшто не е свесен за тоа бидејќи само седи на Месечината и се досадува во својата осамена сребрена сфера... Една вечер се појавува комета од длабочините на вселената и оди кон Месечината. Човекот од Месечината ја користи шансата, ја фаќа забрзаната комета за опашката и со неа оди до Земјата! Овој „напад од вселената“ го вклучува алармот во претседателската палата. И самиот претседател е бесен. Тој тукушто го освоил последното парче од Земјата, поразувајќи ги сите свои непријатели... А сега, неговиот посед е нападнат од вонземјани од друга планета! Единствените траги од напаѓачот што ги наоѓаат се сребрените отпечатоци од стапки во близина на кратерот од ударот. Бегајќи од претседателот и од неговите војници, Човекот од Месечината ќе започне долго патување на кое ќе се восхитува на многуте чуда на Земјата и ќе сфати колку многу го сакаат децата и колку тој им е потребен. Филмот „Човекот од Месечината“ е адаптација на познатата бестселер-книга од Томи Унгерер, најдобриот писател на детски книги. Книгата е преведена и издадена низ целиот свет и претставува најуспешна книга во неговата кариера.
Слики
