Најголем државен непријател

Содржина

Новиот француски акционен хит со буџет од $80 милиони, во кој глумат ВИНСЕНТ КАСЕЛ, ЖЕРАР ДЕПАРДЈЕ и ОЛИВИЕ ГУРМЕ. Првиот дел од двата дела на биографскиот филм посветен на Жак Месрин (1936-1979) претставува енергична претстава на харизматичниот професионален криминалец кој стана славен во Франција. Покрај неочекуваниот наративен пристап, формативните епизоди од славната кариера на Месрин, доволно добро се вклопуваат за да произведат една фасцинантна целина. Глумата на Винсент Касел, која вклучуваше ставање и губење 18 килограми, за актерот да личи на Месрин во текот на две децении, е совршена во служба на приказната проткаена со акција, насилство и неверојатна смелост. „Најголем државен непријател“: Вториот дел претставува неприкосновен портрет на Месрин, во врвот на неговата кариера во која заличува на Скарфејс, искажувајќи половични политички мотивации и продолжувајќи го своето напнато дејство помеѓу живеењето со полна пареа и катапултирањето кон својата неизбежна судбина. Крвави престрелки, смели бегства - од судница за време на судење, од затвор, од импресивна потера - и егзибиционизам пред јавниот печат, ја покажуваат самоувереноста и ароганцијата на Месрин со неверојатна точност.