Содржина
Следејќи неколку меѓусебно испреплетени приказни поврзани преку последиците од погрешно употребената современа технологија, филмот „Прекини врска“ претставува приказна за тоа како неуспешната комуникација ги уништува нашите врски.
Еден трудољубив адвокат, кој е постојано на својот мобилен, не може да најде време да комуницира со своето семејство. Една отуѓена двојка го користи интернетот како начин да избега од својот безживотен брак. Еден поранешен полицаец и вдовец се бори да го воспита својот немирен син да не малтретира еден свој соученик на интернет. Еден амбициозен новинар се обидува да направи кариера преку приказната за една тинејџерка која настапува на една интернет-страница за возрасни. Тие се непознати, соседи и колеги и нивните приказни се судираат во овој драматичен трилер за обичните луѓе кои се очајни за човечки врски. „Прекини врска“ ги истражува последиците од модерната технологија и како таа влијае и на кој начин ги дефинира нашите секојдневни односи.