Содржина
Вовлечен во фантастичниот живот на несфатени шоу чудаци и гротескни суштества на ноќта, еден тинејџер ќе излезе од безбедноста на здодевното секојдневие и ќе ја исполни својата судбина во место кое изгледа како кошмар.
„Циркус на чудаците: Асистентот на вампирот“ раскажува приказна за момче кое, без да знае, раскинува едно 200 години старо примирје помеѓу две завојувани фракции вампири. Вовлечен во фантастичниот живот на несфатени шоу чудаци и гротескни суштества на ноќта, еден тинејџер ќе излезе од безбедноста на здодевното секојдневие и ќе ја исполни својата судбина во место кое изгледа како кошмар. 14-годишниот Дарен е како повеќето деца од маалата во предградијата. Тој се дружи со својот најдобар пријател, има добри оценки и обично се држи подалеку од неволи. Но, кога тој и неговиот другар сретнуваат едно шоу со патувачки чудаци, работите почнуваат да се менуваат во Дарен. Тоа е мигот кога еден вампир по име Лартен Крепсли го претвора во нешто крвожедно. Како нов вампир, тој му се придружува на „Циркусот на чудаците“, кој е патувачко шоу полно со монструозни суштества, од момчето-змија до човекот-волк, па дури и до брадестата дама и џиновскиот човек кој го рекламира циркусот. Додека Дарен ги користи своите нови моќи во овој мрачен свет, станува ценет пион помеѓу вампирите и нивните уште посмртоносни противници. И додека се обидува да преживее, момчето ќе се бори нивната војна да не го проголта она што е останато од човештвото.