Содржина
Глобален акционен трилер за закана од смртоносна пандемија на една болест. Докторите во центрите за контрола на болестите и во Светската здравствена организација итаат да ја спречат пандемијата на новиот вирус и да пронајдат лек.
Режисерот Стивен Содерберг на голема врата се враќа во киносалите со акционен трилер во кој станува збор за глобална закана од една смртоносна пандемија на болест, предизвикана од нов вирус, но и за луѓето кои се борат да ја спречат. Како што расте брзата епидемија, светската медицинска заедница ита да пронајде лек и да ја контролира паниката што се шири побрзо од самиот вирус. Истовремено, обичните луѓе се борат да преживеат во општеството што се распаѓа. Ѕвездената меѓународна актерска екипа ги вклучува добитниците на „Оскар“, Мет Дејмон, Гвинет Палтроу, Кејт Винслет и Мерион Котилард, како и номинираните Џад Лоу и Лоренс Фишбурн, кои ги играат посветените доктори во центрите за контрола на болестите и во Светската здравствена организација, посветени да ја спречат пандемијата на новиот вирус. Наоѓајќи го неговиот извор во Хонг Конг и барајќи соодветен лек, овие решителни самарјани даваат сè од себе за да ги ограничат бројот на смртните случаи, ширењето на паниката и лажните гласови за болеста во оваа филмска драма, со низа култни изрази во стилот на драмата за наркотоци „Сообраќај“ за која Содерберг беше награден со „Оскар“.