Тајна во нивните очи

СОДРЖИНА

Аргентинската мистерија која ја доби наградата „Оскар“, раскажува приказна за пензиониран правен советник кој пишува роман за еден од неговите минати нерешени случаи на убиство, како и за невозвратената љубов од неговата надредена.
Бенџамин Чапаро тукушто се пензионира од долгогодишната работа во кривичен суд. За да го пополни своето слободно време, решава да напише роман врз основа на вистинитата приказна што ја посведочил и играл една од главните улоги во неа. Изгледа дека романот што го пишува е приказна за убиството во Буенос Аирес од 1973, како и за истрагата за наоѓање на извршителот. Но, штом ги отвора вратите на минатото, Чапаро не може повторно да ги затвори. Тоа е така бидејќи турбулентната Аргентина од тие времиња, со сето свое насилство и смрт, се инфилтрира во животите на неговите ликови. Иако Чапаро верува дека во приказната која ја раскажува се работи само за минатото, неговата потрага дава еден суров опис на неговиот моментален живот, што го присилува да се соочи со дилема поврзана со љубовта која му претставувала опсесија предолго време. Реконструкцијата на минатото ќе го повлече длабоко во сопствените чувства, однесувања и одлуки. А ќе излезе дека доаѓањето до вистината не е литературна цел, туку клуч кој ќе му овозможи да ја отвори вратата за да го одживее остатокот од својот живот.