Содржина
Бесмртниот трансилваниски гроф (Гери Олдман) чекал 400 г. за одново да се роди неговата љубов. Тој ја наоѓа во личноста на викторијанската слугинка (Винона Рајдер), но помеѓу него и неговите страсти стои ловецот на вампири Ентони Хопкинс!
Од добитникот на “Оскар“, режисерот Френсис Форд Копола, ни доаѓа римејкот на класичната и морничава приказна за уништувачки заводливиот трансилваниски принц (Гери Олдман) кој во 19 век патува од Источна Европа во Лондон во потрага по човечка љубов. После векови осаменички живот во неговиот распаднат замок, вкусот на Дракула за луѓето прераснува во страст, извлекувајќи го од самотијата. Кога харизматичниот Дракула ја запознава Мина (Винона Рајдер), млада жена која се појавува како реинкарнација на неговата загубена љубов, тие двајца започнуваат патешествие на романтична страст и хорор. Користејќи “илузионарни“ специјални ефекти и група познати актери, Копола создал свеж и провокативен приказ на оваа приказна, задржувајќи се невообичаено близу до изворниот материјал.