Спасители

Содржина

Од тимот одликуван од Академијата, творците на „Приказна за играчките, „Чудовишта и „Барајќи го Немо, произлезе приказна за едно американско семејство, која го води анимираниот филм во полето на драма и дизајн што не се видени досега. Со „Спасители, писателот и режисер Бред Бирд и Пиксар анимејш студиос се пионери на компјутерски создаден свет, кој е толку богат, сложен и креативно „жив така што сликата што ја создава е многу човечка.
„Спасители се одвива околу авантурите на едно семејство на поранешни суперхерои кои повторно го откриваат вистинскиот извор на своите моќи - еден во друг. Некогаш, најголемиот маскиран борец против криминалот, Боб Пар (г. Неверојатен) се борел со злото и секојдневно спасувал животи. Но, петнаесет години подоцна, тој и неговата сопруга Хелен (познат поранешен суперхерој) се присилени да ги сменат идентитетите како цивили и да се повлечат во предградијата. Денес тие живеат како обични смртници и водат најобични животи со своите деца, кои се трудат најмногу што можат да изгледаат „нормално. Како работник што чека да заврши работниот ден, Боб сега се бори со здодевноста и со својата широка половина. Сакајќи акција, заборавениот суперхерој ја добива таа шанса кога еден мистериозен повик ќе го повика на далечен остров за тајна задача.
Сега, судбината на светот е под знак прашање, а семејството мора повторно да се здружи и пак да го најде фантастичното во нивниот семеен живот.