Содржина
Најновиот филм на наградуваниот хрватски режисер Арсен Антон Остојиќ, автор на „Таа прекрасна сплитска ноќ“ и „Ничиј син“, ни носи многу напната приказна со бројни неочекувани пресврти.
Ф20 е напнат психолошки трилер за младата девојка Мартина (дебитантката Ромина Тонковиќ) која лете доставува пици за пицеријата на нејзиниот строг татко (Младен Вулиќ). Додека разнесува пици, Мартина го среќава срамежливиот млад човек Филип (Филип Мајер од „Мистериозното момче“) кој постојано игра видео игри и нарачува пици. Откако Мартина ќе го наговори Филип да украдат пари од нејзиниот татко и да побегнат на Зрче, нивната невина летна авантура наскоро се претвора во крвав кошмар. Ф20 е филм со неочекувани пресврти, за кој дел од сцените се снимени на Зрче со учество на десетина каскадери. Во филмот е претставен најновиот музички хит на перспективниот бенд „Г. Албино“ и се прикажани сцени од уште необјавената хрватска видео игра „СКАМ“. Филм што ќе ја изненади публиката со својата свежина, атрактивност и емоции.