Содржина
Кога леди Сандра Абот (Имелда Стонтон) открива дека маж ѝ со кого е 40 години (Џон Сешнс) има афера со нејзината најдобра пријателка (Џоси Лоренс), таа бара утеха во Лондон кај отуѓената постара сестра Биф (Селија Имри). Двете не можат да бидат поразлични – Сандра е како риба на суво покрај својата зборлеста и слободоумна сестра. Но, на Сандра во моментот ѝ треба нешто друго и таа неволно ѝ дозволува на Биф да ја одвлече на часови по танц, каде што постепено почнува да си ја наоѓа рамнотежата и доживува романса кога ги среќава пријателите на сестра ѝ: Чарли (Тимоти Спал), Џеки (Џоана Ламли) и Тед (Дејвид Хајман). Оваа шарена, дрска и енергична група почнува да ѝ покажува на Сандра дека пензионирањето е всушност само почеток, а и дека разводот може да ѝ понуди љубов и живот.