Содржина
Дејството се одвива во алтернативната музичка сцена на Сиетл во раните 90-ти години на минатиот век. „Самци ни прикажува една група од дваесет и кусургодишни луѓе во обидот да најдат љубов и да се снајдат во своето созревање. Филмот, кој има формат на комедија во епизоди, следи група пријатели кои живеат во истата станбена зграда и се дружат во истото кафуле. Главниот пар се Стив Дан (Кемпбел Скот) и Линда Пауел (Кира Седгвик), двојка што се запознава на концерт на „Алис ин чејнс и на крајот се заљубува. „Самци ги прикажува бурните врски помеѓу Стив и Линда и нивното пријателство со Џенет Ливермор (Бриџит Фонда), која се обидува да го добие вниманието на гранџ-рокерот Клиф Понсие (Мет Дилон).