Осмиот патник: Ковенант

СОДРЖИНА

Сѐ е мирно на вселенскиот брод „Ковенант. Екипажот и останатите 2000 души на бродот се длабоко во хибернациски сон, што го остава синтетичкиот човек Волтер сам да шета низ ходниците. Бродот патува до далечната планета Ориге-6, на другата страна од галаксијата, каде што колонистите се надеваат дека ќе создадат ново живеалиште за човештвото. Нивниот мир е нарушен кога експлозијата на една ѕвезда во близина му ги оштетува механизмите за собирање енергија на бродот, што доведува до десетици жртви, па мисијата скршнува од својата маршрута. Наскоро, преживеаните членови на екипажот откриваат нешто што изгледа дека е неозначен рај полн со високи планини и огромни дрва, што може да е уште подобар дом од Ориге-6. Сепак, тоа што го наоѓаат е мрачен и смртоносен свет, полн со неочекувани изненадувања. Соочувајќи се со ужасна и незамислива закана, истражувачите мораат да се обидат да избегаат.