Содржина
Откако го убива членот на ривалската банда, Фред Хејл, Пинки Браун се жени за Роз, единствената личност што може да докаже дека тој стои зад убиството. Сепак, нејзината шефица Ида станува детективка за да открие кој е убиецот.
„Брајтонска карпа“ ги користи класичните елементи на филмскиот жанр „ноар“ и на британските гангстерски филмови за да ја раскаже приказната за Пинки, очаен млад човек, кој по секоја цена сака да се издигне во хиерархијата на организираниот криминал. Кога една млада и многу невина келнерка Роз наидува на докази што го поврзуваат со едно убиство од одмазда, тој ја заведува за да го обезбеди нејзиното молчење. Во филмот играат надежните британски актери Сем Рајли и Андреа Рисеборо во улогите на младата двојка. Ветераните Хелен Мирен и Џон Хурт играат во улогите на двајца пријатели кои се обидуваат да ја спасат Роз од злобните планови на Пинки. Филмот „Брајтонска карпа“ е заснован на култниот роман на Греам Грин од 1939 година, во кој се работи за невиноста и злото, но дејството е приспособено на условите во Британија од 1964 година.