Приказна за играчките 3

Содржина

„Приказна за играчките 3’ ги носи Вуди (гласот на Том Хенкс), Баз (гласот на Тим Ален) и целата дружина назад на големите екрани додека Енди се подготвува да оди на колеџ, а неговите верни играчки се испратени во... една градинка! Нескротените дечиња со своите лепливи прстиња не играат фер, па работата се претвора во „сите за еден и еден за сите, додека се коваат планови за големото бегство. Неколку нови лица - едни од пластика, други од плиш - се придржуваат на авантурата, заедно со славниот ерген и пандан на Барби, Кен (гласот на Мајкл Китон), театралниот еж по име г. Приклпентс (гласот на Тимоти Далтон) и розовото мече со мирис на јагоди по име Мечето Лотсохагинг (гласот на Нед Бити). Филмот е во режија на Ли Ункрич (корежисер на „Приказна за играчките 2 и „Наоѓајќи го Немо).