Содржина
Оваа авантуристичка комедија која се одвива во митски свет на Викинзи и диви змејови, ја раскажува приказната за Хикап, викиншки тинејџер кој не се вклопува во долгата традиција на убијци на змејови во неговото племе.
Од студиото кое ви ги донесе „Шрек“, „Мадагаскар“ и „Кунг фу панда“ пристигнува „Како се дресира змеј“, авантуристичка комедија која се одвива во митски свет на Викинзи и диви змејови кои блујат оган. Приказната врз основа на книгата од Кресида Кауел се одвива околу викиншкиот тинејџер по име Хикап (ЏЕЈ БАРУШЕЛ), кој живее на островот Берк, каде борбата против змејовите е секојдневен живот. Напредните погледи на тинејџерот и неговата необична смисла за хумор не се вклопуваат во неговото племе и не му одговараат на неговиот главатар, кој случајно е таткото на Хикап и името му е Стоик Грамадниот (ЏЕРАРД БАТЛЕР). Кога Хикап почнува обука за змејови заедно со другите викиншки тинејџери – Астрид (АМЕРИКА ФЕРЕРА), Снотлаут (ЏОНАН ХИЛ), Фишлегс (КРИСТОФЕР МИНТЗ-ПЛАС) и близнаците Рафнат (КРИСТЕН ВИГ) и Тафнат (Т. Џ. МИЛЕР) - тој гледа шанса да докаже дека е способен да биде борец. Но, кога се среќава (и се спријателува) со еден повреден змеј, неговиот свет станува хаотичен и тоа што изгледаше како шанса Хикап да се докаже, се претвори во шанса да постави нова насока за иднината на целото племе.