Содржина
Едно лето, семејството се собира за да го прослави 70-тиот роденден на мајката. Но Андреа сè уште не знае дека “изненадувачкото“ доаѓање на нејзината најстара ќерка Клер, која била замината веќе три години, ќе предизвика семејна бура.
Оптимистички и слатко-горчлив, овој посебен филм режиран од Седрик Кан и предводен од Кетрин Денев ги тестира врските што го зближуваат семејството. Денев е матријархот Андреа, чие семејство се собира за да го прослават нејзиниот 70-ти роденден. Сè изгледа во ред со нејзиниот високоморален син (Седрик Кан) и неговото семејство, како и со нејзиниот слободоумен син (Винсент Макањ), кој планира да го документира собирот на видео. Но кога нејзината ментално нестабилна ќерка Клер (Емануеле Беркот) одново се појавува после три години, се будат старите лоши сеќавања и тоа не само од тинејџерката (Луана Бајрами) која Клер ја напуштила.