Заборавениот принц

Содржина

Омар Си, ѕвездата на филмовите „Недопирливите“ и „Самба“, ја игра главната улога во новата авантуристичка комедија на прочуениот режисер Мишел Азанависиус.
Сè во животот на Џиби се врти околу неговата сакана седумгодишна ќерка. Овој посветен самохран татко никогаш не ги пропушта нивните заеднички моменти како читањето бајки пред спиење. Секоја вечер ја носи ќерка си Софија во Сториленд, волшебна земја на фантазијата, каде оживуваат бајковити авантури во кои Џиби е главниот јунак. Иако е тој херојот на нејзиниот живот, сепак чувствува дека со растењето на Софија, неговата улогата се намалува, па очајнички се обидува да се избори за свое место во нејзиниот живот. Пет години подоцна, Софија е тинејџерка за која татковите приказни веќе не се најинтересната работа на светот, туку почнува да смислува свои приказни во кои Џиби повеќе не е главниот лик. Бидејќи неговите улоги и во реалниот свет и во Сториленд почнуваат да се менуваат, Џиби мора да најде начин засекогаш да остане херој на животот, соништата и на приказните на неговата ќерка.