Пресметката кај Спероу Крик

Содржина

Ганон е поранешен полицаец чијашто вечера ја прекинуваат далечни истрели од автоматско оружје. Преку полициската радиостаница тој слуша дека еден вооружен напаѓач пука во поворката на погребот на еден полицаец. Ганон набрзо тргнува кон складот во кој паравоената групација на којашто ѝ припаѓа Ганон ги чува оружјето и опремата. Набрзо, сите членови се собираат и утврдуваат дека недостигаат една автоматска пушка, панцирен елек и неколку гранати. Очигледно е дека напаѓачот што сите го бараат е еден од нив, а Ганон со внимателна истрага и преку сопственото расудување ќе мора да открие кој е тоа.