Совршен свет

Содржина

За да избега од затвор, Буч Хејнс ( Кевин Костнер) мора да се здружи со Тери Пуг, за кого нема особено добро мислење. Набрзо по бегството, тие двајца го киднапираат младото момче Филип Пери и го водат со себе насекаде низ Тексас. За време на патувањето Буч и Филип откриваат дека имаат многу заеднички работи од кои момчето се воодушевува, а кое пораснало во строго и религиозно семејство. Буч се однесува кон него како кон пријател, го учи да го разликува доброто од злото и да носи самостојни одлуки. Тоа што на почетокот започнало како киднапирање, постепено се претвора во однос, во кој преовладува почитување и љубов. Но, за надворешниот свет и за шерифот Ред Гарнет ( Клинт Иствуд), Буч е опасен криминалец кој треба што побрзо да се уапси.
Во извонредната криминалистичка драма „ Совршен свет“, Клинт Иствуд покажува дека како автор не е ограничен само на акциски и вестерн филмови, туку длабоко понира во сите слоеви на човековата природа и хуманоста. Филмот го прикажува односот помеѓу двајца луѓе кои имаат очајничка потреба од почитување и грижа, а која не ја добиваат доволно од останатиот свет. Улогата на осуденикот Буч, Кевин Костнер ја одглумил на многу убедлив начин, а особено интересна и извонредно добра е глумата на Т. Џ. Лутер во улогата на несреќното момче Филип.