Содржина
Режисерката Никол ван Килсдонк ја оживува наградуваната приказна на холандската писателка Јоке ван Лојвен за војната видена низ очите на едно 10-годишно девојче. Во едно симпатично гратче, Тода го минува слободното време печејќи слатки со својот татко, кој е пекар. Кога почнува конфликт помеѓу „Едните и „Другите, нејзиниот татко е регрутиран во војска, па ја остава Тода кај нејзината баба. Кога нејзиниот град станува воена зона, бабата на Тода организира таа безбедно да ја помине границата во соседната земја кај мајка ѝ. Тода мора да се потпре врз својата интуиција за да се снајде низ разните тешотии што ѝ се испречуваат на патот.