Феномен

СОДРЖИНА

Една таинствена сила го обзема Џорџ (Џон Траволта) и му дава телекинетичка моќ и посебни ментални способности! Тоа е феномен кој почнува да го отуѓува од неговите пријатели, но може и да го доближи до жената што ја сака.
Сите во малиот рурален калифорниски град го знаат Џорџ Мали (Џон Траволта) како добро момче, добар автомеханичар и верен пријател. Но, на својот 37-ми роденден, Џорџ почнува да се менува. Како резултат на еден необичен настан, навидум обичниот живот на Џорџ тргнува во една таинствена и чудна насока. Џорџ одеднаш добива голем апетит за учење и почнува да ја сфаќа убавината и интелигенцијата на универзумот. Пријателите на Џорџ, кои се сомневаат во новите моќи на Џорџ, почнуваат да се оддалечуваат од него. Но, со љубовта и поддршката од претпазливата, а сепак грижлива Лејс (Кира Седвик), Џорџ успева да ја види поголемата слика за неговото место во светот, како и да верува во неверојатниот тек на својот живот.