Содржина
Филмот е снимен според бестселерот на Вероника Рот и е сместен во свет во кој луѓето се поделени во пет групи, врз основа на доминантните особености на нивните личности. Беатрис (Шејлин Вудли) е родена во група која се бори против суета, впечатлива облека и сѐ друго со коешто поединецот би се истакнувал. За секој од членовите на оваа група, важни се другите луѓе. Но, Трис чувствува дека не припаѓа во таа група зашто не секогаш размислува за другите. Секој граѓанин на 16-годишна возраст мора да помине тестирање за да се утврди во која група најдобро припаѓа, но резултатот на Трис не дава конечен заклучок, па таа мора самата да донесе одлука. А тоа е опасна одлука зашто Беатрис не припаѓа во ниту една група. Таа е различна и тоа мора да го сокрие. Кога ќе открие заговор за уништување на сите различни, со кој раководи Џанин Метјус (Кејт Винслет), Беатрис ќе мора да открие што ги прави различните толку опасни. Во тоа ќе ѝ помогне Четири (Тео Џејмс).