Содржина
Четвртиот дел од серијалот, „Терминатор“ го следи возрасниот Џон Конор (кого го игра Кристијан Бејл) додека се обидува да го организира човечкиот отпор кој можеби е и последната вистинска надеж на човештвото во борбата против машините. Со дејствие кое започнува во 2018, во „Терминатор: спасение“ Џон Конор дознава дека сигурноста на иднината е разнишана од ненадејното појавување на еден мистериозен странец по име Маркус Рајт (Сем Вортингтон), кој последно се сеќава како седи и ја очекува својата смртна казна. Во неможност да определи дали Маркус е испратен од иднината или е спасен од минатото, Конор почнува да се прашува дали сѐ уште постои надеж за човечката раса додека роботите стануваат помоќни и поагресивни од било кога. Изгледа дека Скајнет се подготвува за уништувачки финален напад за да го елиминира човековиот отпор, еднаш за секогаш, оставајќи ги Конор и Маркус без друг избор, освен да удрат во кибернетското срце на дејствијата на Скајнет. Штом влегуваат таму, двајцата прекалени војници откриваат ужасна тајна за потенцијалното уништување на целото човештво. Антон Јелчин игра на местото на Мајкл Биен, како младиот Кајл Рис во првиот дел на планираната трилогија „Терминатор“ од режисерот Мекг („Чарлиевите ангели“).