Содржина
Филмската ѕвезда Леонардо ДиКаприо ги здружува силите со режисерот добитник на „Оскар“, Клинт Иствуд, во овој филм, кој го прикажува јавниот и приватниот живот на една од најмоќните, најконтроверзни и најтаинствени личности во 20 век. Како олицетворение на американската полиција речиси педесет години, од Џеј Едгар Хувер истовремено се плашеле и му се восхитувале, го оцрнувале и го ценеле. Но, зад затворените врати, тој имал тајни кои би му ги уништиле имиџот, кариерата и животот. Со кариера преполна со скандали и со контроверзен приватен живот, легендарниот директор на ФБИ ја задржал својата позиција како чувар на тајните на земјата, а и на многу свои тајни, сѐ до неговата смрт во 1972 година.