Содржина
Додека компјутерскиот хакер, Лизабет Саландер (Номи Рипејс) и новинарот Микаел Бломквист (Микаел Никвист) истражуваат еден синџир на трговија со бело робје за секс, Лисбет е обвинета за три убиства и бега за да го исчисти своето име...
Во многу очекуваниот втор дел на Милениумската трилогија... Лисбет Саландер е барана жена. Еден истражувач и еден новинар кои тукушто ќе ја откријат вистината за трговијата за секс во Шведска, ќе бидат брутално убиени, а отпечатоците на Саландер се наоѓаат на оружјето. Нејзината историја на непредвидливо и одмаздољубиво однесување ја прави неа официјална опасност за општеството - но, никој не може да ја пронајде. Во меѓувреме, Микаел Бломквист, главен уредник на Милениум, не сака да поверува во она што го слуша на вестите. Знаејќи дека Саландер е жестока кога е уплашена, тој е очаен да дојде до неа пред таа да биде натерана во ќош и сама. Додека ги спојува деловите од загатката, тој се соочува со окоравени криминалци, вклучувајќи и еден „русокос џин“ кој работи со моторна пила - огромен криминалец кој не може да чувствува болка. Копајќи подлабоко, Бломквист исто така открива некои сурови факти за минатиот живот на Саландер. Предадена за психијатриска нега на 12 годишна возраст, а на 18 години правно прогласена за некомпетентна, овде се работи за една млада жена со проблеми, која е производ на неправеден и корумпиран систем. Сепак, Лисбет повеќе претставува одмаднички ангел отколку беспомошна жртва - нафрлајќи се на оние кои ѝ имаат наштетено, со правичен гнев кој е застрашувачки во својот интензитет и навистина прекрасен во својот резултат.