Последните

Содржина

Рударско село во лапонските тундри станува средиште на тензии меѓу пастирите на елени и рударите. Рупи, цврст млад рудар, тајно е вљубен во Рита, жената на својот пријател, која му паднала во око и на сопственикот на рудникот...
„Последните“ е нордиски вестерн кој се одвива во нескротените тундри во Лапонија. Главниот лик е младиот рудар Рупи, кој се надева дека ќе собере доволно пари преку ископувањето на тундрата за да може еднаш засекогаш да се ослободи од задушувачката прашина во рударското село. Но работата сопира бидејќи татко му на Рупи, кој е пастир на елени, одбива да го продаде своето земјиште. За да биде покомпликувано, манипулативниот сопственик на рудникот ѝ фрлил око на жената на пријателот на Рупи, жената во која и самиот Рупи е тајно вљубен. Кога животот во рударското село станува сѐ поопасен ден по ден, Рупи мора да одлучи каде и кон кого припаѓа. Дали тоа е исконската тундра на неговите предци или ладниот терен на личните интереси?