Содржина
Лекар од еврејско потекло спасува човек кој е жртва на сообраќајна несреќа, но кога открива нацистичка тетоважа на неговите гради, тој се двоуми, оставајќи го човекот. Исполнет со вина, тој почнува да го бара семејството на човекот...
Еден вообичаен ден во северна Италија, Симоне, како што прави често, оди да кајакари по прекрасната река и да ужива во мирната ноќ. Одеднаш, спокојот на Симоне е нарушен од звук на судир на автомобили. Познат хирург, Симоне трча на местото на незгодата за да даде помош, и кога стигнува, гледа тешко повреден маж кој обилно крвави. Реагирајќи брзо, Симоне повикува итна помош и со автомобилскиот појас се обидува да го сопре крвавењето. И тогаш Симоне ја здогледува тетоважата на човекот: голема свастика на средина на неговите гради. Како син на преживеани на Холокаустот, Симоне е соочен со невозможен избор: да му го спаси животот на овој нео-наци или да го остави да умре. Филмот го следи Симоне после незгодата додека се справува со последиците од своите одлуки.