Подземна клиника

После лична трагедија, Даниел, талентиран хирург, се здружува со осамениот млад човек Ли за да започнат буквално ‘подземна клиника’, сместена во огромната лавиринтска мрежа на тунели и простори под Лондон.
Во серијата се работи за Даниел Милтон, талентиран и успешен хирург. После лична трагедија којашто му го разнишува удобниот живот, Даниел се здружува со осамениот млад човек Ли за да започнат буквално ‘подземна клиника’, сместена во огромната лавиринтска мрежа на тунели и простори под Лондон. Таму Даниел ги третира сите оние кои не можат или не сакаат да најдат други легални начини за лекување: криминалци, илегални имигранти и секакви чудаци. Секако, таков ризичен потфат не доаѓа без изненадувања, а на Даниел и Ли наскоро во бункерот им се придружува Ана, медицински истражувач со чувство на вина, како и Џејми, млад бегалец и ограбувач на банки кому сè му е преку глава. И така, долу во тунелите под градот, добриот лекар мора да го даде најдоброто од себе за да може да го контролира својот необичен тим и нивните потреби, вклучувајќи ги и потребите на непредвидливите клиенти на оваа илегална клиника.