Заборави го Париз

Содржина

Мики Гордон (Кристал) е врвен судија во НБА кој патува до Париз за да го закопа својот татко чија желба била да биде закопан покрај своите воени другари од Втората светска војна. Телото некако се губи при транспортот, па Мики се кара со Елен Ендрус (Вингер) која работи за една американска авиокомпанија во Франција. Сепак, нејзе ѝ се допаѓа неговата смисла за хумор, а тој е освоен од неа, па по неколку дена заедно во Париз тие одлучуваат да се земат. Сепак, откако се враќаат во домот на Мики во САД, работите стануваат комплицирани. Таа не е толку сигурна дека ѝ се допаѓа неговата гарсониера („храмот за гледање спортски канали) и дали сака да се натпреварува со неговата кариера, додека и двајцата имаат проблеми со своите семејства.