Малиот принц

Содржина

Ова е приказна за едно мало, бестрашно и љубопитно девојче кое живее во светот на возрасните заедно со мајка си. Нејзиниот сосед Авијатичарот на девојчето му покажува свет каде што сѐ е можно, светот на Малиот Принц.
Од Марк Озборн (режисерот на „Кунг-фу панда“) пристигнува првата анимирана филмска адаптација на легендарното ремек-дело на Антоан де Сент Егзипери, „Малиот Принц“. Во фокусот на филмот е малото девојче чија мајка ја подготвува за светот на возрасните во којшто живеат, но во тоа ја прекинува ексцентричниот сосед со добро срце, Авијатичарот. Авијатичарот на својата нова пријателка ѝ го прикажува неверојатниот свет каде што сѐ е можно. Свет којшто и нему одамна му бил прикажан од страна на Малиот Принц. Тука започнува волшебното и емотивно патување на малото девојче во нејзината фантазија и во универзумот на Малиот Принц. Тука девојчето го открива своето детство и дознава дека сепак е најважна поврзаноста со луѓето и дека вистинската суштина може да се види само со срцето.