Содржина
Тројца тексашки тинејџери сакаат да избегаат од своето мизерно постоење во еден мал град, но навлегуваат во канџите на организираниот криминал кога еден од нив краде од погрешен човек.
Кога бељаџијата Би-Џеј заедно со неговиот најдобар пријател Боби и неговата девојка Сју се подготвуваат да заминат од градот и да одат на факултет, тој краде пари од својот шеф Гиф за да може да ги почести своите пријатели со луд викенд полн со забава. За жал, украдените пари му припаѓале на опасниот гангстер познат како Биг Ред, а тројцата тинејџери се присилени да ограбат еден локален бизнис во кој се перат пари за да го вратат својот долг и да си ја откупат слободата. Тие навлегуваат во светот на организираниот криминал за да се борат за своите животи. Измамите и несигурноста помеѓу тројцата пријатели ја зголемуваат напнатоста пред грабежот, па се појавува неизвесност кој ќе излезе како водач, па дури и кој ќе преживее.