Шарлота Греј

Содржина

За да помогне во војната, една млада Шкотланѓанка патува во Лондон, каде се запознава и се вљубува во еден воен пилот. Но, кога тој е соборен над Франција, таа патува таму за да го најде и се вмешува во движењето на отпорот.
Во 1942 година, Лондон се наоѓа средe војна. Градот нема струја, а бомбите паѓаат навечер. Шарлота Греј е обична жена која патува од Шкотска во Лондон за да види како може да помогне. На една забава, таа го запознава Питер, воен пилот на отсуство, па тие се вљубуваат. Но аферата завршува ненадејно кога Питер е повикан назад на служба, а неговиот авион е соборен над Франција. Доколку е жив, тој веројатно се крие и него го заштитува француското движење на отпорот. Наскоро Шарлота патува во Франција и како многу други жени кои зборуваат француски, таа е регрутирана како таен агент кој работи за движењето на отпорот. Таа можела да побара задача дома, но сепак заминува далеку, прифаќајќи опасна мисија зад непријателските редови, чувајќи ја како тајна личната мисија да го најде својот исчезнат љубовник. Во свет каде што таинственоста е насекаде, таа открива дека може да му верува само на своето срце.