Нотинг Хил

Содржина

Вилијам Такер (Хју Грант) има книжарница во областа Нотинг Хил во западен Лондон, а куќата ја дели со Спајк (Рис Ифанс), ексцентричен пријател од Велс. Еден ден во продавницата, кога во неа работи Вилијам, влегува Ана Скот (Џулија Робертс), прекрасна и позната актерка од САД, која во Лондон снима филм. Таа купува книга од Вилијам и е фина и шармантна, како што би била позната актерка со вџашен продавач, бидејќи ѕвезда му влегла во продавницата. Нивната врска логично би завршила тука доколку Вилијам не излезеше неколку минути порано за да си купи сок. Итајќи назад во продавницата, тој се судира со Ана на улицата и истура сок врз нејзината блуза. Бидејќи живее во близина, Вилијам ѝ нуди таа да отиде во неговата куќа за да се подзачисти. Ана ја прифаќа неговата понуда и... му благодари со бакнеж, а изгледа дека тоа ја изненадува нејзе дури и повеќе од него. На крајот, Ана и Вилијам се запознаваат подобро во текот на неколку месеци, но да се биде заедно со најпосакуваната жена на светот не е лесно, ниту помеѓу најблиските пријатели, ниту пред нападните новинари.