Судијата Дред

Содржина

Футуристичка приказна сместена во 22. век. Нè води низ улиците на мегаполисот наречен Мегаград Еден. Земјата е тешко оштетена од серија меѓународни конфликти кои најголемиот дел од планетата го претвориле во радиоактивна пустелија, па населението се сели во гигантските мегаполиси. Овие метрополи од иднината имаат стотици милиони жители и изобилуваат со секаков можен криминал. Спроведувањето на законот и одржувањето на редот е работа на елитната полициска единица наречена Судии. Тие имаат овластување да ја спроведуваат правдата на лице место. Во исто време се судии, поротници и извршители. Најтврдокорен и најстрашен меѓу нив е судијата Дред, тој е закон!