Зелениот стршен

СОДРЖИНА

Брит Рид (Сет Роуген) е син на најпознатиот и најпочитуваниот медиумски магнат во Лос Анџелес и радо води безгрижен живот полн со забава - сè додека татко му (Том Вилкинсон) не умира мистериозно, оставајќи му ја својата огромна медиумска империја на Брит. Откако склопува чудно пријателство со Като (Џеј Чоу), еден од највредните и најиновативните вработени на неговиот татко, тие двајцата ја гледаат својата шанса да направат нешто значително по прв пат во своите животи: да се борат против криминалот. За да се доближат до криминалците, тие смислуваат совршена маска: тие и самите ќе се претставуваат како криминалци.
Брит се претвора во одметникот со име „Зелениот стршен“, па штитејќи го законот преку негово кршење, тој и Като тргнуваат во акција на улиците. Користејќи ги своите генијалност и вештина, Като го создава најдоброто и најнапредно ретро оружје, „Црната убавица“, неуништливиот автомобил кој има моќно вооружување, исто колку што е моќен и според коњските сили. Возејќи се во оваа подвижна тврдина на тркала, задавајќи им удари на лошите момци со итрите изуми на Като, Зелениот стршен и Като набргу почнуваат да се прославуваат и со помош на новата секретарка на Брит, Ленор Кејс (Камерон Дијаз), почнуваат лов по Бенџамин Чудновски (Кристоф Волц), човекот кој го контролира подземјето на Лос Анџелес. Но, Чудновски има сопствени планови: да го уништи Зелениот стршен еднаш и засекогаш.