Содржина
Кога нивните најдобри пријатели ќе најават дека се разделуваат, еден професор и неговата сопруга почнуваат да ги откриваат проблемите во сопствениот брак.
Средовечниот њујоршки писател и професор по англиски Гејб Рот и неговата сопруга Џуди, се шокирани кога дознаваат дека нивните најдобри пријатели Џек и Сели се разведуваат. Ова откритие ги присилува да се соочат со неуспехот на нивниот брак, што се одразува во привлечноста што Гејб ја развил кон својата студентка Рејн која сака постари мажи. Во меѓувреме, Џек се преселува кај Сем, инструкторка по аеробик опседната со астрологија, додека Сели и Џуди паралелно излегуваат со еден згоден уредник. Со препознатливата иронија и хуморот на Вуди Ален, филмот ги истражува неговите омилени теми за врските, посветеноста, промената и отпорот кон промените, како и обновувањето и сложеноста на човечкото срце.