Содржина
Семејството Караклов (Џон Линч и Саманта Мортон) се наоѓа во тешка финансиска ситуација и е принудено да му го продаде својот најдраг пес на војводата од Радлинг (Питер О'Тул), а тоа ќе му го скрши срцето на нивниот 9-годишен син Џо (Џонатан Мејсон). Леси заминува во дворецот оддалечен 800 километри, на северниот брег на Шкотска, но е решен да се врати дома. Така започнува неверојатната авантура во текот на која Леси минува низ најубавите предели на Шкотска и Англија, се соочува со опасности што му се закануваат од луѓето и од природата, но и наидува на помош на најнеочекуваните места. Неговиот дух не може да се скрши - решен е да се врати дома, токму на време за семејната божиќна прослава. Филмот е безвременска приказна за пријателството помеѓу момчето и песот во рударското гратче во покраината Јоркшир во Англија.