Содржина
Кога Сара и пријателите пристигнуваат во нејзината семејна куќа покрај езеро во Луизијана, тие набргу се слекуваат во капачките костими за викенд полн со секси забава на сонце. Но наскоро откриваат дека во езерото има стотици ајкули...
Еден секси летен викенд се претвора во крвав кошмар за група студенти на колеџ, кои се заробени на остров опколен со крвожедни подводни предатори, во филмот „Ноќ на ајкулите 3Д“, ужаснувачка и возбудлива приказна од режисерот Дејвид Елис („Последното одредиште“, „Змии на авион“). Откако пристигнуваат со брод во нејзината колиба на еден езерски остров во Луизијана, Сара и пријателите набргу се соблекуваат во своите пливачки костими за да минат викенд полн со забава на сонце. Но кога фудбалската ѕвезда Малик (Синква Волс) излегува од соленоводното езеро без една рака, расположението на забавата веднаш исчезнува. Претпоставувајќи дека повредата е предизвикана од несреќа при сурфање, групата сфаќа дека мора да го однесе Малик во болница на другата страна на езерото, и тоа брзо. Кога тргнуваат во еден малечок глисер, пријателите од факултет откриваат дека езерото е преполно со стотици огромни ајкули! Тие почнуваат да умираат еден по еден, а Сара и преостанатите очајно се борат да се одбранат од ајкулите, да викнат помош и да останат живи доволно долго за да стигнат безбедно до копното.