Девојка што клоцна стршенско гнездо

Содржина

Во последната кинематографска епизода врз основа на бестселерот на Стиг Ларсон, Лизбет (Нуми Рипејс) се опоравува во болница и го чека судењето за три убиства. Микел (Мајкл Никвист) мора да ја докаже нејзината невиност, а таа кова одмазда.
ДЕВОЈКАTA ШТО КЛОЦНА СТРШЕНСКО ГНЕЗДО е третата и последна филмска адаптација на бестселер трилогијата напишана од покојниот шведски автор, Стиг Ларсон. Во овој последен дел, Лизбет Саландер (Нуми Рипејс) лежи во критична состојба со прострелна рана во главата, во единицата за интензивна нега на една градска болница во Шведска. Таа се бори за својот живот на повеќе начини: ако и кога ќе се опорави, таа ќе биде однесена во Стокхолм за да биде на судење за три убиства. Со помош од нејзиниот пријател, новинарот Микел Бломквист (Мајкл Никвист), таа нема да мора само да ја докажува својата невиност, туку ќе мора и да ги препознае и обвини оние кои се на позиција и кои имаат дозволено некој кој е ранлив како неа да биде подложен на злоупотреба и насилство. А таа самата ќе скрои одмазда - против човекот кој се обиде да ја убие и против корумпираните владини институции кои за малку ќе го уништеа нејзиниот живот. ДЕВОЈКАTA ШТО КЛОЦНА СТРШЕНСКО ГНЕЗДО ја прикажува Нуми Рипејс во главната улога на испирсаниот и тетовиран генијален компјутерски хакер, Лизабет Саландер, Мајкл Никвист го игра Микел Бломквист, новинарот и издавач на списанието „Милениум“, а Лена Ендре (Ерика Бергер) ја игра уредничката на списанието и повремена љубовничка на Бломквист.